Stralsund

Wappe	Dütschlandcharte
	54.31388888888913.0897222222229Koordinate: 54° 19′ N, 13° 5′ O
Basisdate
Bundesland:	Mecklenburg-Vorpommern
Landchreis:	Vorpommern-Rügen
Höchi:	9 m ü. NHN
Iiwohner:	59.363 (31. Dez. 2022)[1]
Poschtleitzahle:	18435, 18437, 18439
Vorwahl:	03831
Kfz-Chennzeiche:	…
Gmeischlüssel:	13 0 73 088
LOCODE:	DE STL
Adress vo dr Stadtverwaltig:	Alter Markt 18439 Stralsund
Webpräsenz:	www.stralsund.de
Oberburgermaischter:	Alexander Badrow
Lag vu dr Chreisstadt Stralsund im Landchrais Vorpommern-Rügen

Stralsund [ˈʃtraːlzʊnt] (syt 1990 amtli Hansestadt Stralsund) isch e Stadt im Nordoschte vu Dytschland. Si ghert zum Landesdail Vorpommern vum Land Mecklenburg-Vorpommern un isch e Chraisstadt im Landchrais Vorpommern-Rügen. No Landesrächt fiert Stralsund dr Name Hansestadt^[2] un Große kreisangehörige Stadt.^[3]

Stralsund het anne 1234 s Lübisch Stadträcht iberchuu. Dodermit isch si di eltscht Stadt vu Pommern. As Grindigsmitglid vu dr Hanse isch d Stadt dur internationale Handel rych wore. D Altstadt mit ire vyle Böudänkmeler un bsundersch wärtvolle Zygnis vu dr Bachestaigotik ghert syt 2002 mit em Titel Altstädte von Stralsund und Wismar zum UNESCO-Wältkulturerb. Mer chännt Stralsund as Erholigsort un wichtig turistisch Zäntrum vu dr sidlige Oschtseeregion au fir s Dytsch Meeresmuseum mit em Ozeaneum Stralsund, s Stralsund Museum un fir Veraastaltige wie d „Wallensteintage“ all Johr un dr „Rügenbrücken-Marathon“. Wirtschaftli dominiert dr Turismus. Anderi Wirtschaftszwyg sin di effetli Verwaltig, dr Schiff- un Maschineböu, Dienschtlaischtigsbedrib, Logischtik, d Gsundhaitswirtschaft un Bedrib im Beraich vu dr Informationstächnik un dr Biomedizintächnik. Syter 1991 isch d Mittelstadt Sitz vu dr Hochschuel Stralsund, im Nochberort Parow het s syter 1996 di dytsch Marinetächnikschuel.

Wäg syre Lag am Strelasund, ere Meerängi vu dr Oschtsee zwische Festland un dr Insle Rügen wird Stralsund au „Dor zur Insle Rügen“ gnännt.

• 
  Luftbild mit Altstadtinsle am Strelasund
• 
  Altstadt
• 
  s Rothuus am Alte Märt
• 
  Katharinechloschter un -chilche
• 
  Rügenbrugg vu Stralsund uf d Insle Rügen

1. ↑ Statistisches Amt M-V – Bevölkerungsstand der Kreise, Ämter und Gemeinden 2022 (XLS-Datei) (Amtliche Einwohnerzahlen in Fortschreibung des Zensus 2011).
2. ↑ Hauptsatzung der Stadt (PDF)
3. ↑ Kommunalverfassung Mecklenburg-Vorpommern.